Dakpan sa mga kapolisan ang mobalor sa illegal nga drugang shabu nga 3.4 milyones ka pesos gikan sa usa ka alyas Val,30 anyos, atol sa hiniusang drug buy bust operation didto sa Brgy. Minaog, Dipolog ning dakbayan.
Nakumpiska gikan sa suspek ang gibanabanang 500 gramos sa gituohang shabu nga adunay standard drug price nga 3.4 milyones, apil usab sa mga nasakmit nga tibuok 1,000 ka pesos isip buy-bust money, drug paraphernalias, timbangan o weighing scale, electronic sealer, ug cellphone niini sa suspetsado.
Ang maong operasyon gipanguluhan sa mga personahe sa Philippine Drug Enforcement Agency (PDEA) Zamboanga del Norte Provincial Office, inubanan usab sa Dipolog City Police Station ,City Drug Enforcement Team (CDET), Regional Drug Enforcement Unit 9 (RDEU9), PNP Drug Enforcement Group (PDEG), ug Provincial Drug Enforcement Unit Zamboanga del Norte (PDEU ZN).
Samtang ang dinakpan sa pagkakaron ang anaa na sa kustodiya sa Dipolog PNP ug mag-atubang sa kasong paglapas sa Republic Act 9165 sa Sections 5 ug 11 kun Comprehensive Dangerous Drugs Act of 2002.(Angelica T. Obina)
SOURCE: DIPOLOG PNP