Dipolog: 3,900 ka liso sa kalabasa na-bagging sa New Tangub Farmers Association

0
5

Moabot sa kapin 3,900 ka liso sa kalabasa ang na-bagging sa mga myembro sa New Tangub Farmers Association (NETFA), sa pagpangulo ni Renato ‘Dodo’ Engcoy, kauban ni OPAg District Coordinator Robert Jumamil ug sa Technician niini nga si Jeanrey Gumela, sulod sa 38 ka seedling tray, kagahapon Mayo 9, niining tuiga sa Barangay New Tangub, Sergio Osmeña, Zamboanga del Norte.

Gitudloan ni OPAg Coordinator Jumamil, ang mga farmers sa insaktong paagi sa pag-bagging hangtod sa pag-transplant sa mga seedlings ug pag-butang sa abuno ug pestisidyo.

Matod ni Mr. Jumamil nga importante kaayo nga i-bagging daan ang liso sa kalabasa, aron maayo ang pagtubo sa mga semilya sa kalabasa ug makaseguro nga daghan ang mabuhi, ingon man malikay sa mga peste.

Gibana-bana nga sulod sa 7 ka adlaw gikan sa pag-bagging, I balhin na ang maong mga semilya sa kalabasa ngadto sa giandam nga duha ka ektaryang luna sa mga farmers.

Niini, nipasalig ang Presidente sa maong asosasyon, nga ilang atimanon ug amomahon ang Gulayan sa New Tangub (GUNET) aron molambo ang asosasyon ug mapun-an ang panginabuhian sa mga mag-uuma.

(Source: Provincial Information Center ZaNorte Facebook page)

Leave a Reply