Davao City – Nagpahigayon ug anti-illegal drugs operation sa pwersa sa San Pedro Police Station Drug Enforcement Unit pinaagi sa buy bust sa Purok 11, Singkwang, Santo Niño, Barangay 76-A, Bucana, Davao City.
Base sa report sa San Pedro Police Station 2, nagkasinabot ang duha ka mga suspetsado nga mamaligya og illegal nga droga sa poseur buyer nga pulis hinungdan nga gipangdakop kini.
Giila sa mga pulis ang duha ka dinakpan nga sila Marical Beranghel Basilio, 28 anyos residente sa nahisgutang lugar ug Jeanifer Roxas Sevilla, 33 anyos ug residente sa Purok 1, Bolton Isla, Barangay 39-D ning syudad.
Unang napalit sa mga pulis ang balor 1000 pesos sa gituohang shabu ug laing 4 pa ka mga sachets nga naay sulod sa gituohang shabu ang nasignit sa ilang possession.
Tanan-tanan mokantidad sa 32,960 pesos ang droga nga nakuha gikan sa mga suspek nga napriso na sa San Pedro Police Station 2. (Camille Santos Naraga)
(Source: PIO PRO-XI)