Tingkagol sa prisohan homan masikop sa mga tinugyanan sa balaod atol sa gipahigayon nga drug buy-bust operation ang usa ka tigpayuhot sa ilegal nga drugas, mga 11:15 ang takna sa gabii, Mayo 30, 2025 didto sa Purok Rizal, Poblacion North, Polanco, Zamboanga del Norte.
Ang maong operasyon miresulta sa pagkasikop ni Anastacio Bunac Agura Jr .,36 anyos,usa ka (SLI), lalaki, minyo,walay trabaho ug residente sa Sitio Maralag, Brgy. Guinles, Polanco, Zamboanga del Norte kinsa gisikop tungod sa paglapas sa RA 9165.
Nasikop kini pinaagi sa mga personahe sa MDET sa Polanco MPS pinangulohan ni PCPT GWYN G CELESTINO kauban ang ZNPDEU
Nasakmit atol sa operasyon gikan sa posesyon ug kontrol sa suspek mao ang mga butang nga gilangkuban sa 1 pc medium size transparent plastic sachet nga adunay sulod nga puti nga crystalline substance nga gidudahang shabu (buy-bust item); 3 pcs small size transparent plastic sachet nga adunay sulod nga white crystalline substance nga gidudahang shabu (possession items); 2 pcs five hundred peso bill nagsilbing buy-bust money; 1 pc headset pouch nagsilbing sudlan sa sachet sa shabu;
Assorted disposable lighters;2 pack empty transparent plastics;3 pcs improvised container sa sachet sa shabu color black;3 pcs improvised aluminum foil tooter;1 unit iphone 11 color black cellphone;1 ka gamay nga utility box color white ang gisudlan sa mga paraphernalias ug 1 ka unit nga Nissan ROOX wagon color itom.
Ang gituohang shabu gibana-banang adunay gibug-aton mokabat sa kapin o kulang 1.5 gramos nga adunay gibanabanang street value nga P7,050.00.
Gipahibalo ang suspek sa iyang katungod sa konstitusyon ug anaa na karon sa kustodiya sa Polanco MPS alang sa tukmang disposasyon, samtang ang mga nakumpiska nga drug items dad-on sa Zamboanga Del Norte Provincial Forensic Unit alang sa eksaminasyon.(Medalyn U. Borja)
Source: ZNPPO