Nasikop ang usa ka 33-anyos nga lalaki, residente sa Barangay Masidlakon, Dapitan City, atol sa gipahigayon nga joint law enforcement operation sa Barangay Polo, Dapitan City, niadtong Hulyo 6, 2025.
Ang maong operasyon gipangulohan sa Dapitan City Police Station (CPS) kauban ang 5th SOU MG, Mabuhay Special Boat Crew (SBC) ug 901st Regional Mobile Force Battalion 9 (RMFB9).
Ang pagkasikop gihimo pinaagi sa warrant of arrest nga gipagula sa 9th Judicial Region, Branch 4, Dapitan City tungod sa kasong paglapas sa Republic Act 9262 (Anti-Violence Against Women and their Children Act of 2004) nga naglakip sa physical ug psychological abuse.
Gikatakda sa korte ang bail bond nga nagkantidad og ₱72,000.00. pesos alang sa suspetsado.
Ang dinakpan anaa na karon sa kustodiya sa Dapitan City Police Station, samtang naghulat sa tukmang legal nga disposisyon.(Jumalisa Papa)
Source: Dapitan CPS/ZNPPO