Mokabat sa 32 ka mga Barangay Nutrition Scholars(BNS) ang mipa-ilawom sa upat ka adlaw nga pagbansay-bansay kon “Training on the Basic Course for Barangay Nutrition Scholars”, sugod Nobyembre 21 hangtod 24 ning tuiga.
Sumala sa nasayran, kining nasangpit nga kalihukan ang tinuig nga gihimo sa buhatan sa City Nutrition apan kini na-oktaba sa dihang nihapak ang pandemya. Dugang nasayran nga gipahigayon kining maong pagbansay-bansay aron ma “update” ang kahibalo sa mga BNS kalabot sa implementasyon sa mga programa alang sa maayong nutrisyon sa mga bata sa ilang tagsa-tagsa ka mga barangay.
Atol sa pagbukas sa nasangpit nga aktibidad, mipadangat si konsehal Roseller L. Barinaga nga maoy representante ni Mayor Darel Dexter T. Uy, sa iyang pagdayeg sa kakugi sa mga BNS dinha sa paglantaw sa maayong panglawas sa mga bata ug gidasig kini niya nga mo”focus” sa maong training tungod kay kini dako og ikatabang alang na sa implementasyon sa mga programang dunay kalabutan sa nutrisyon.
Source: DIPOLOG CITY GOVERNMENT Facebook page