Gitanom sa Salug District Jail ang 30 ka Mahogany seedlings atol sa simultaneous tree planting activity sa Poblacion, Salug, Zamboanga del Norte isip kabahin sa pagsaulog sa ika-35 anibersaryo sa Bureau of Jail Management and Penology o BJMP.
Gipangunahan ni Acting Jail Warden JSINSP Rolly L. Paner ang pag-apil sa maong kalihokan nga nagtumong sa pagpalig-on sa mga programa alang sa pagpanalipod sa kinaiyahan.
Kabahin sa inisyatiba ang pagdasig sa pag-atiman sa kalikupan pinaagi sa pagtanom og kahoy aron makatabang sa pagpreserbar sa kahinguhaan sa palibot.
Sumala sa Salug District Jail, ang maong kalihokan nagpakita sa ilang suporta sa mga programang nagpalambo sa mas limpyo, mas himsog ug mas luntian nga komunidad.(JENIFFER JR. DELICA)
Source: Salug District Jail- BJMPR9