Nadakpan ang tulo ka indibidwal atol sa gipahigayon nga checkpoint operation sa National Highway, Barangay Dos, Katipunan, Zamboanga del Norte niadtong Agosto 7, 2025.
Nasakmit sa operasyon ang daghang pakete sa mga sigarilyo nga walay graphic health warning, nga supak sa Republic Act 10643 o mas nailhan nga Graphic Health Warnings Law.
Gibanabana nga mokantidad kini og ₱9,454,500.00 base sa standard pricing sa Bureau of Customs (BOC).
Sumala sa Katipunan Municipal Police Station (MPS), padayon nilang lig-onon ang pagbantay ug pagpasiugda sa balaod aron mapanalipdan ang katawhan batok sa ilegal nga kalihokan. Gihangyo usab nila ang suporta ug kooperasyon sa publiko aron mas mapalig-on pa ang ilang mga operasyon ug inisyatibo alang sa kalinaw ug kahapsay sa komunidad.
Ang mga nadakpan ug ang nakumpiskar nga ebidensiya giluwat sa hustong mga proseso samtang nagpadayon ang imbestigasyon sa maong kaso.(Jumalisa Papa)
Source: Katipunan MPS