Nadakpan ang usa ka lalaki nga suspetsadong nagpayuhot og smuggled o walay dokumentong sigarilyo atol sa gihimong intel monitoring sa mga otoridad sa usa ka sari-sari store didto sa Barangay Matunoy, Gutalac, Zamboanga del Norte niadtong Agosto 5, 2025.
Ang maong operasyon gipahigayon sa mga intel operatives sa Gutalac Municipal Police Station, kauban ang mga personahe sa 2nd Zamboanga del Norte Provincial Mobile Force Company (ZNPMFC) ug 905th Regional Mobile Force Battalion (RMFB).
Nasakpan ang suspetsado nga aktong nagapakatap og nagabaligya og ilegal nga sigarilyo, nga miresulta sa iyang pagkasikop ug pagkakumpiska sa 48 reams nga sigarilyo nga gibanabana sa kapin Php 55,008.00 kantidad, base sa standard pricing sa Bureau of Customs.
Gidala ang nakumpiskang mga sigarilyo sa kustodiya sa kapulisan alang sa imbestigasyon ug dokumentasyon, samtang ang suspetsado temporaryong anaa na sa kustodiya sa Gutalac MPS alang sa tukmang disposisyon.(Jumalisa Papa)
Source: Gutalac MPS