Pormal nga gisugdan nung nakaraang Lunes, Marso 25, 2024, ang tulo (3) ka adlaw nga “Policy Forum” pinaagi sa programang “PADAYON” dinhi sa 2nd floor, Museo Dipolog, ning siyudad.
Nahimong Resource Speaker,si Regional Juvenile Justice and Welfare Council Secretariat, Jacqueline R. Julpi, giubanan sa Dipolog City Social Welfare and Development Council, nga gipangunahan ni Acting-CSWD Officer,Patrick S. Jalapadan. Lakip usab sa mitambong ang mga nagkalain-laing personahe gikan sa lokal ug rehiyunal nga buhatan nga may kalambigitan sa paghatag og proteksyon alang sa mga kababayen-an ug mga kabataan.
Alayon niini,mihatag sa iyang hamubong mensahe si City Vice Mayor Senen O. Angeles kinsa nagrepresentar ni Mayor Darel Dexter T. Uy.
Gituki sa unang adlaw mao ang RA 7610 o ang “Special Protection of Children Against Abuse, Exploitation and Discrimination Act” pinaagi sa “Orientation and Open Forum” diin kini gihatagan og sakto nga mandatu ug mga pamaagi sa pagsumpo batok sa mga krimen ug ang mga paglapas sa katungod sa mga kabataan dinhi sa atong komunidad.
Apil usab sa programa, mao ang pagtuki sa uban pang mga balaod sama sa “Juvenile Justice and Welfare Act” (RA 9344) ug ang “Anti-Online Sexual Abuse or Exploitation of Children (RA 11930).
Ang maong programa ang gihan-ay sa Kagamhanang Lokal ning dakbayan aron mapalambo ang kapasidad sa pagpatuman sa mga balaod subay sa nakita nga pagtaas sa mga kaso sa VAWC. (CIO-jaa)
(Source: Dipolog City Government Facebook page)
