Pagpalig-on sa mga programa nga nagpanalipod sa katungod ug kaayohan sa mga bata maoy sentro sa 2nd Quarterly Meeting sa Provincial Council for the Protection of Children (PCPC) nga gipahigayon sa Provincial Capitol niadtong Hunyo 8.
Pinaagi sa maong tigom, gituki sa konseho ug mga partner agencies ang mga lakang aron mas mapauswag ang serbisyo alang sa kabataan, ilabina sa pagpanalipod kanila batok sa pagpahimulos ug uban pang hulga nga makaapekto sa ilang kaluwasan ug kalamboan.
Gipunting usab sa konseho ang pagpalig-on sa mga programa sa early childhood development, responsableng pagginikanan, ug ubang inisyatiba nga nagtumong sa paghatag og mas maayong kaugmaon alang sa mga bata sa probinsya.
Matud pa sa mga opisyal, ang padayon nga koordinasyon sa gobyerno ug mga stakeholders mahinungdanon aron masiguro nga ang matag bata adunay access sa luwas nga palibot, kalidad nga serbisyo, ug mga oportunidad nga makatabang sa ilang pagtubo ug paglambo.(IKEN B. GULLEM)
Source: Zamboanga del Norte Provincial News Network