Wala na maka iskapo sa kamot sa mga personahe sa kapulisan usa ka High Value Individual (HVI) sa gipahigayon nga drug buy-bust operation pasado alas 9:05 ang takna sa kagabhion, niadtong Nobyembre 17,2025,didto sa Sityo Banicapt, Barangay Galas, ning dakbayan sa Dipolog.
Ang drug suspek naila nga si alyas “Win” 28 anyos , Habal-habal driver, adunay live in partner, ug residente sa Purok Buli, Barangay Minaog Dipolog City kinsa gisikop pinaagi sa mga personahe sa Dipolog City Police Station uban sa mga personahe gikan sa SOU 9, PNP DEG (Lead Unit), kauban ang ZDNPIT RIU9, ug ZDNPDEU, sa pakig-alayon sa PDEA 9.
Nakuha gikan sa nasangpit nga suspek atol sa operasyon mao ang Usa ka pirasong big sized heat-sealed transparent plastic pack nga adunay sulod nga white crystalline substance nga gituohang shabu, Usa ka piraso nga medium sized heat-sealed transparent plastic sachet nga adunay sulod nga puti nga crystalline substance nga gituohang shabu isip possession.
Lakip sa nakuha usa nga mn ga ebidensya nga dili druga mao ang Usa ka bundle sa boodle money nga adunay tinuod nga P1000 bill nga nagkantidad ug P100,000,Usa 1 ka unit sa cellphone nga REALME color black; Usa 1 ka unit sa motorsiklo nga Honda Beat nga adunay yawe ug temporaryong plate number.
Ang nasakmit nga drugas gibana-bana nga mutimbang sa 70 gramos nga adunay kantidad nga mobalor sa Php 476,000.
Ang mga ebidensiya sa druga anaa na sa kustodiya sa SOU9 alang sa tukmang disposasyon,samtang ang dinakpan nga suspek itugyan ngadto sa Dipolog Police Station alang sa iyang temporaryong detensyon.(MEDALYN U. BORJA)
Source: Dipolog CPS