Nihimo og special rescue operation ang Katipunan Municipal Fire Station niadtong Nobyembre 18, 2025 sa Barangay San Antonio, Katipunan, Zamboanga del Norte, human sa pagbaha nga miresulta sa pre-emptive evacuation ubos sa pagpanguna ni FINSP Richard A. Parame, Acting Municipal Fire Marshal.
Pag-abot sa 1100H, ang Shift A personnel kauban ang MDRRMO ug PNP personnel misugod dayon og koordinasyon sa Barangay Officials ug nagpatuman og scene size-up. Sa 1105H, ilang gisugdan ang pre-emptive evacuation sa 23 ka pamilya o 75 ka indibidwal gamit ang auxiliary unit FE 111 ug sakyanan sa MDRRMO.
Sa 1332H, misugod og paubos ang tubig sa lugar, ug pag 1344H, mibalik na sa quarters ang tanang BFP personnel human sa operasyon.(JENIFFER JR. DELICA)
Source: BFP R9 Katipunan Fire Station