Balhog sa prisohan ang usa ka 26 anyos nga bag-ong naila nga Street level individual atol sa gikasa nga hiniusang operasyon sa mga personahe sa Municipal Drug Enforcement Team (MDET) sa Labason MPS (lead unit) kauban ang 2nd ZNPFC, 901st MC, ug RMFB9, sa koordinasyon sa PDEA9-ZDN,mga alas 11:25 ang takn sa kagabhion niadtong Enero 12, 2026, didto sa Purok 5 sa Purok. Osukan, Labason, Zamboanga del Norte.
Ang maong dinakpan naila nga usa ka 26-anyos nga lalaki, minyo, mananagat, ug residente sa Sitio Bucana, Brgy. Osukan, Labason, Zamboanga del Norte,nailhan nga usa ka bag-ong nailhan nga Street-Level Individual (SLI) ,nakuhaan sa kapulisan ug mukabat sa 2 ka gramo sa gituohang shabu nga adunay gibanabanang presyo sa droga nga Php 13,600.00.
Nakumpiska atol sa operasyon gikan sa suspek maong ang usa ka heat-sealed transparent plastic sachet nga adunay sulod nga gidudahang shabu (buy-bust item), tulo ka heat-sealed transparent plastic sachets nga adunay sulod nga gidudahang shabu (possession items), usa ka walay sulod nga Berlin pack (pula) nga gigamit nga sudlanan, ug usa ka Php 500.00 nga marked money nga adunay Serial No. C191047.
Ang mga nakumpiskang droga itugyan ngadto sa Zamboanga Sibugay Provincial Forensic Unit (Ipil, Zamboanga Sibugay alang sa qualitative ug quantitative examination, samtang ang nadakpang suspek gidala sa Labason District Hospital alang sa physical ug medical examination ug temporaryong gibilanggo sa Labason MPS lock-up cell alang sa hustong disposisyon.(MEDALYN U. BORJA)
Source: ZNPPO