Nakadawat og mga Food Packs ang 231 ka mga indibidwal, nga mga Lumolupyo sa Barangay Guimputlan, sa gipahigayon nga pagpang-apod-apod niini sa Lokal nga Pangagamhanan sa Dapitan, didto mismo sa nasangpit nga Barangay, kagahapong adlawa, Setyembre 17, 2025.
Nasayran nga ang naasoy nga pagpanghatag og mga Food Pack’ ngadto sa mga katawhan sa Barangay Guimputlan,, ubos matud pa sa Programa sa Lgu Dapitan, diin nahimong katimbang niini ang Buhatan sa Department of Social Welfare and Development (DSWD) maingon man ang City Social Welfare and Development Office (CSWDO) ug ang City Agriculture Office (CAO) pinaagi sa gibuhat nga pagpaningkamot sa ilang Mayor nga si Evelyn T. Uy, pinaagi usab sa Kongresista sa 1st. District, nga si Congressman Roberto “Pinpin” Uy.
Gikalipay sa mga Benepisyaryo ang nahisgutang Programa, tungod kay ilang nabatian, ang seryoso nga tinguha sa ilang Mayor ug Kongresista, nga maitunol ngadto kanila ang mga serbisyo, maingon man , ila usab nga nabatian ang tinguba niini, nga mapalambo ang panginabuhi sa mga Dapitanon.
Labi pa nga mipasalig ang Lokal nga Pangagamhanan, nga magpadayon ang Programa nga paghatod og mga tabang, maingon man mga Programa, nga ikalambo ug makahatag sa maayong kaugmaon sa mga Dapitanon.(Julius Esmade)