Arestado sa mga personahe sa kapulisan ang usa ka 23 anyos nga lalaki kinsa nalambigit sa kasong attempted homicide, niadtong Nobyembre 12,2024 sa may alas 2:20 ang takna sa hapon.
Ang suspek naila nga usa ka Riclur Sumampon Timinang,23 anyos ug residente sa Purok 3, Brgy. Malasay, Katipunan, Zamboanga Del Norte,
Nasikop ang maong suspek pinaagi sa Tracker Team sa Katipunan MPS, sa koordinasyon sa ZNPIU ug 1st ZNPMFC ug base sa warrant nga gi isyu ni Hon. Jerry A. Andrino, Acting Presiding Judge sa Municipal Circuit Trial Court para sa Katipunan-Sergio Osmeña, ubos sa Criminal Case No. 030-24(K) alang sa krimen nga Attempted Homicide pinetsahan og Nobyembre 4, 2024, ug adunay pyansa nga girekomendar nga mobalor sa P36,000.00.
Samtang ang suspek gipahibalo sa iyang mga katungod sa konstitusyon, lakip ang mga katungod ni Miranda and Anti-Torture Warning Law ug ana na kini karon naka kustodiya sa Katipunan MPS alang sa tukmang disposasyon. (Medalyn U. Borja)
(Source: ZNPPO)