Sikop sa gikasa nga drug buy-bust operation ang usa ka 21 anyos nga lalaki kinsa gikataho nga nagpuyot sa ginadili nga drugas, mga alas 6: 53 sa gabii, niadtong Nobyembre 17, 2024, didto sa Brgy. Goleo, Sindangan, Zamboanga del Norte.
Ang maong dinakpan naila nga usa ka 21 anyos, lalaki ug residente Brgy. Poblacion, Jose Dalman, Zamboanga del Norte, tungod sa paglapas sa RA 9165.
Nasikop kini pinaagi sa mga personahe sa Sindangan MPS ug nasakmit ang usa ka heat-sealed transparent plastic sachet nga adunay sulod nga 0.4 gramos sa gituohang shabu, mobalor sa P2,720, duha ka heat-sealed sachet nga adunay sulod nga 0.8 gramos sa gituohang shabu, nga nagkantidad ug P5,440, kinatibuk-an muabot sa 1.2 gramos nga adunay gibanabana nga nagkantidad og P8,160.
Usa ka libo ka pesos nga marked money, usa ka plastic water pipe, usa ka transparent plastic sachet, usa ka New Brand cigarette pack, usa ka yellow nga rubber band, bubble wrap, ug usa ka plastic tube.
Ang mga nakumpiska nga drug items gisumiter ngadto sa Zamboanga del Norte Provincial Forensic Unit alang sa laboratory examination.
Samtang ang suspek gipahibalo sa iyang katungod sa konstitusyon, lakip na ang Miranda rights ug ang Anti-Torture Warning Law, ug anaa karon sa kustodiya sa Sindangan MPS alang sa husto nga disposisyon. (Medalyn U. Borja)
(Source: ZNPPO)