General Santos City – Opisyal na nga gibuksan ang usa ka carenderia o kan-anan nga giopanag-iyahan sa Kusina Norte SLP Association sa JP Laurel Street, Barangay Dadiangas North, General Santos City.
Ang Launching and Blessing sa maong kan-anan gipangunahan ni Gensan City Mayor Lorelie Geronimo Pacquiao uban sa mga kawani sa Department of Social Welfare and Development (DSWD) isip maoy naghatag og puhonan sa maong Asosasyon pinaagi sa programang SUSTAINABLE LIVELIHOOD PROGRAM (SLP) sa maong Ahensiya.
Sa iyang mensahe, gipadangat ni Mayor Pacquiao ang kamahinungdanon sa mga programa sama SLP sa pagpalambo sa panginabuhi sa mga lokal nga komunidad ning s’yudad sa General Santos. (Rem Agdon)
(Source: CMO)