Naisyuhan og Citation Ticket ang mokabat sa 20 ka mga Motorista sa Lungsod sa Rizal, Probinsiya sa Zamboanga Del Norte, gumikan sa gipahigayon nga Implemetasyon sa Municipal Ordinance, pinaagi sa Oplan Sita sa mga Personahe sa Rizal Mps, didto sa National Highway sa Barangay West, East, North Mapang ug sa South Mapang, sa naasoy nga Lungsod, kagahapong adlawa, Hulyo 14, 2025.
Base sa pahayag nga giluwatan sa Rizal Pnp, nga sa ilang gipahigayon nga Operasyon, ilang naaktuhan ang nasangpit nga mga Motorista, nga naka supak sa Ordinansa sa maong Lungsod, particular ang 19 ka indibidwal, nga nagmaniho sa ilang Motor single nga wala nagsuot og Safety Helmet, samtang ang usa niini, anaa sa matang nga nga Ambulant vendor, diin pareho matud pa nilang nasupak ang Municipal Ordinance 2018-17 sa nahisgutang Munisipyo.
Pagkahuman nga naisyuhan na og Citation Ticket ang nasangpit nga mga motorista, gi-release ra usab sila ug gipahimagnuan, nga ilang bayaran ang ilang penalty ngadto sa Municipal Treasurer’s Office, aron sila dili magkaproblema kon kini makadangat na ngadto sa Korte.
Pahimangno sa mga Kapulisan sa Lungsod sa Rizal ngadto sa mga katawhan ug mga Motorista, nga ilang sundon sa tanang higayon ang mga balaod sa ilang Lungsod, ilabina ang pagsuot og Safety Helmet kon magniho og motor siklo, tungod kay kini alang ra man usab sa ilang seguridad.(Julius Esmade)