Nasikop sa gikasa nga buy-bust operation sa mga operatiba sa Philippine National Police Drug Enforcement Group Special Operations Unit 9 (PNPDEG-SOU9), sa pakig-alayon sa Philippine Drug Enforcement Agency (PDEA) Zamboanga del Norte, Dipolog City Police Station, ug sa Zamboanga del Norte Police Drug Enforcement Unit (PDEU), ang duha ka indibidwal,mga alas 2 ang takna sa hapon, Marso 23,2025,didto sa Brgy. Galas, ning dakbayan sa Dipolog.
Ang duha ka mga dinakpan nagpangidaron og 33 ug 27 anyos, pulos lalaki ug parehong residente sa Sitio Pasil, Brgy. Irasan, Roxas, Zamboanga del Norte.
Nasakmit sa mga otoridad gikan sa mga suspek ang gibana-banang 50 gramos sa gituohang shabu, nga adunay gibanabanang standard drug price nga mobalor Php 340,000.00.
Ang nasakmit nga ebidensiya sa drugas naglakip sa usa ka dako nga heat-sealed transparent plastic pack nga adunay sulod nga puti nga crystalline substance, ingon man pipila ka gagmay nga mga sachet nga nakuha gikan sa paghupot sa mga suspek, nagkalain-laing non-drug items, lakip ang usa ka kahon sa thumb tacks nga gigamit isip sudlanan sa droga, 1 ka PAGIBIG ID Card, 1 ka gamay nga paper bag, usa ka cellphone, ug marked buy-bust money.
Ang mga nakumpiska nga ebidensiya sa drugas anaa na karon sa kustodiya sa SOU9, samtang ang mga dinakpan gi-turnover sa Dipolog City Police Station alang sa dugang legal nga proseso.(Medalyn U. Borja)
Source: ZNPPO