Gipangunahan ni Cebu City Councilor Joel Garganera ang usa ka konsultasyon kauban ang mga Bisaya nga maghuhuni ug musikero aron hisgutan ang proposed Bisaya Music Preservation Ordinance.
Mitambong sa maong tigum ang pipila ka nailhan nga mga artista ug grupo sa musika sama nila Jude Gitamondoc, Insoy Ninal, ug mga miyembro sa Missing Filemon, Oh! Caraga, Mandaue Nights, Melt Records, Lourdes Maglinte, ug Kurt Fick.
Ang ordinansa nagtinguha sa pag-ila ug pagpanalipod sa Bisaya nga musika isip kabahin sa kabilin sa kultura sa Sugbo.
Gituki sa mga partisipante ang mga lakang aron mas mapalig-on ang suporta sa lokal nga musika ug mapadayon kini alang sa sunod nga henerasyon.
Gihimo ang usa ka public hearing niadtong Marso 26, 2025, atol sa regular session sa Cebu City Council aron hisgotan ang dugang kasayuran ug susihon ang panginahanglan alang sa maong ordinansa.
Source: Cebu City PIO
I via Renante Socia Lada