Swerte nga way nakabsan ug kinabuhi sa vehicular accident didto sa Barangay Cogon, Dipolog City niadtong Abril 10, 2022 sa alas 8:00 sa gabie.
Sa inisyal nga imbestigasyon, duha ka sakyanan ang nalambigit sa maong vehicular accident. Ang vehicle 1 usa ka tricycle itom nga Honda supremo nga dunay plate number 0908-0334, gimaneho ni Melvin Acama, 40 anyos, ulitawo ug residente sa Barangay Cogon niining dakbayan.
Matud pa, nga samtang galawig ang v-1 padung South nga direction ang vehicle 2 nga yamaha STX skeletal walay cover ug plate number, gimaneho ni Alben Gahoman, 19 anyos, ulitawo ug residente sa Maligaya Polanco, Zamboanga del Norte, aksidente kining nabangga sa honda tricycle.
Dugang pa, nga ang stx galawig sa opposite nga direction ug na scratch sa lane sa V1 nga maoy hinungdan nga nabangga kini sa giingong sakyanan ug nagresulta sa ilang pagka-angol.
Gidala sa rescue ambulance sa balay tambalanan ang nga motorista para sa atensyong medikal. (Liccin V. Bello)