Cebu City – Gitakdang isuspenso ang tanang mga klase sa tanang level sa mga pampublikong tunghaan gikan sa Mayo 2 hangtud sa Mayo 13, 2022.
Gi-anunsyo sa Department of Education (DepEd), Lunes, Abril 18, ang pagpasuspenso sa mga klase gikan sa kindergarten hangtud sa Grade 12, nga naglakip sa limited face-to-face classes o modular blended learning sud sa 12 ka adlaw.
Ang maong lakang gibasi sa DepEd Order 29, s. 2021, o ang School Calendar and Activites for School Year 2021-2022.
Kini nag gahin sa maong mga adlaw alang sa National Election-related Activities sa mga faculty ug staff.
Gi expect nga mo report sa tunghaan sa maong mga adlaw ang mga magtutudlo kung walay mga elected related-duties o activities.
Gitugtan hinoon, kadtong mga pribadong tunghaan, state o local universities and colleges nag nag tanyag ug basic education pagsunod o dili sa maong order.
Ang Central Visayas dunay kapin kon kulang 3,000 ka mga public grade schools sa 20 ka division.
Sa Abril 2, kapin na sa 1,000 ka mga pampubliko ug pribadong tunghaan ang naka sugod na pagpatuman sa ilang limited face-to-face nga klase.
Gibutyag ni DepEd 7 Director Salustiano Jimenez nga sutaon pa ang gidaghanon sa mga personnel sa rehiyon nga mosalmot isip poll worker sa Mayo 9 elections.
Sa ilang bahin, si DepEd Mandaue City spokesperson Marinel Oro nagkanayon nga dunay 1,600 ka mga personnel gikan sa ilang division ang mipa-ubos sa training sukad pagka Marso 28.
Kini naglakip sa mga electoral board members, DepEd supervising officer, technicians ug support staff.
Ang nasud mi shift ngadto sa blended ug distance learning sa tuig 2020 gumikan sa coronavirus disease (Covid-19). (Jhon Tadlip)
(Source: Department of Education 7, photo courtesy of Pusok Elem School Facebook page)