Imbis nga sa sabungan, prisento ang napadulngan sa duha ka indibidwal homan masikop sa gikasa nga anti-illegal gambling operation sa kapulisan ug maaktohan nga mi-apil sa ilegal nga sugal nga “Tari-tari” didto sa Purok Ofisco, Brgy.Olingan ning dakbayan sa Dipolog, mga alas 12:20 sa udto niadtong Marso 22, 2026.
Naila mga dinakpan nga usa ka 64 anyos ,minyo ,walay trabaho,residente sa Purok de Oro, Olingan Dipolog City ug laing 33 anyos minyo, security guard ,residente sa Purok Sampaguita ,Brgy.Olingan Dipolog City, gidakop pinaagi sa Intelligence Operatives sa Dipolog City Police Station.
Atol sa operasyon nakumpiska sa kapulisan gikan sa mga dinakpan ang Duha ka piraso sa sunoy nga pang-ilog, kolor pula ug itom nga kombinasyon sa kolor nga adunay bulang sa tiil, kwarta nga pusta nga nagkantidad ug P500 pesos.
Ang mga nadakpang suspek gipahibalo sa hinungdan sa ilang pagkasikop ug katungod sa konstitusyon sa usa ka diyaleko nga hingpit nilang nasabtan ug temporaryong gibalhog sa Dipolog CPS detention cell alang sa pag andam sa pagpasaka og kaso.
Samtang ang mga nakumpiska nga gamit sa sugal gidala na sa opisina alang sa eksibit sa korte.(MEDALYM U. BORJA)
Source: DIPOLOG CPS