Sikop sa mga personahe sa Labason Municipal Police Station, 2nd ZNPMFC ang usa ka lalaki, human Kining nakuhaan ug droga sa gipahigayon nga buy bust operation sa Purok 3 Brgy. Imelda Labason Zamboanga del Norte.
Giila ang nadakpan nga si alyas Triple, 32 anyos, Job Order ug lumulupyo sa brgy. Gil Sanchez, lungsod sa nasangpit nga lugar. Nakuha gikan sa iyang posisyon ang dili muubos sa duha ka gramong gituuhang shabu nga nagkantidad og P13,600.00, mga drug paraphernalia ug ang kwarta nga gigamit isip buy bust Money.
Ang operation gipangunahan sa mga personahe sa Labason MPS, 2nd ZNPMFC, RMFB 9 uban sa Koordinasyon sa PDEA9 Zamboanga del Norte, nga miresulta sa pagkasikop sa drug suspect.
Giturn over na usab sa Zamboanga del Norte Provincial Forensic Unit ang mga nakumpiskang ebidensya alang sa examination.
Samtang ang drug suspect gidala pa sa Labason District Hospital, ayha pa gidala sa Labason Municipal Police Station alang sa tukmang disposasyon.(Iken B. Gullem)
Source: Labason Municipal Station ZNPPO