Dakpan ang duha ka mga Chinese national atol sa gipatoman nga joint operation mga alas 10:30 ang takna sa buntag niadtong Marso 3, 2026, didto sa Purok 2, Brgy. Calilic, Sibutad, Zamboanga del Norte.
Naila ang maong mga nadakpan nga 59 anyos, minyo, ug 41 anyos, ulitawo, parehong temporaryong nagpuyo sa Purok 2, Brgy. Calilic, Sibutad, Zamboanga del Norte.
Ang pagkadakop gihimo pinaagi sa Bureau of Immigration Intelligence Operatives gikan sa Manila (lead unit), uban sa koordinasyon sa Sibutad Municipal Police Station ug sa 97th Infantry Battalion, Philippine Army, pinaagi sa Mission Order No. 2026-089 tungod sa pag-apil sa mapuslanong kalihokan nga walay hustong permit/visa ug sa overstaying nga nakalapas sa Section 37(a)(7) sa Philippine Immigration Act.
Ang duha ka nadakpan anaa karon sa kustodiya sa Bureau of Immigration alang sa hustong disposisyon ug immigration proceedings.(MEDALYN U. BORJA)
Source: ZNPPO