Gipangunahan sa mga personahe sa Dapitan City Police Station, ang gipahigayon nga Barangay Peace and Safety Officer (BPSO) Training, didto sa Barangay Liyang, sa dakbayan sa Dapitan ning Probinsiya sa Zamboanga Del Norte, niadtong Setyembre 19, ug 20, ning tuig 2025.
Nasayran nga ang unang adlaw sa nasangpit nga Training, gipahigayon niini ngadto sa mga partesipanti ang insaktong paggamit sa Arnis Stick, pinaagi nila ni Pmsg. Arnel Bael ug ni Pcpl. Edgar Abestano, diin matud pa kini ubos sa superbisyon ni Pltcol. Eva Joy E Capurcos, ang Officer -In-Charge sa Dapitan City Police Station.
Gipahigayon usab sa ika-duhang adlaw sa naasoy nga Training, ang pagtudlo ngadto sa mga Barangay Official’s, sa insaktong paghatag og pagtagad kabahin sa Republic Act 9262 ( Anti- Violence Against Women and Their Children Act of 2004).
Tumong matud pa sa maong pagbansay, nga mikabat og duha kaadlaw, aron makat-onan sa mga misalmot niini ang insaktong paggamit sa Arnis Stick, alang sa pagpatuman sa Peace and Order, maingon man, aron usab ilang masayran ang insaktong paghatag og pagtagad, kabahin sa balaod nga naghatag og proteksyon sa mga Kababayen-an ug mga Kabataan.(Julius Esmade)