Mipagawas og update ang Lokal nga Pangagamhanan sa Dapitan, kabahin sa Work Suspension sa mga Pampublikong Buhatan, niining maong adlaw Setyembre 22, 2025 nga magsugod unyang 1:00 sa hapon.
Nasayran nga ang nasangpit sa Suspensyon sa trabaho sa tanang mga Pampublikong Buhatan sa nasangpit nga dakbayan, subay sa Tema nga, “Kainang Pamilya Mahalaga Day” subay sa Memorandum Circular Number 96 nga giisyu niadtong nakalabay’ng adlaw Setyembre 19, 2025 diin matud pa subay usab kini sa Proclamation Number 326 nga giisyu niadtong 2012.
Tungod niining maong kalihokan, mahatagan og pagtagad sa matag panimalay ang ilang mga sakop, nga mag-usa sa pagpangaon, aron maipakita niini ang kamahinungdanon sa Pamilya nga mag-uban sa lamesa sa kaanan, aron ilang usab nga mahisgutan ang ikaayo sa ilang pamilya, isip mao na usab kini ang ilang Family Bonding.(Julius Esmade)