Malipayong gi selebrar sa Zamboanga del Norte Provincial Mobile Force Company ang ilahang unang ZNPMFC YEAR END PARTY kagabie, Disyembre 16, 2025, nga gipahigayon didto mismo sa ilahang covered court sa Sicayab, Dipolog City.
Puno sa partisipasyon sa mga espesyal nga bisita ang maong panagtipok nga naggikan pa sa nagkalain-laing bahin sa lungsod og dakbayan sama sa mga Police personnel, Public figures, Lawyers, Media personnel og uban pang nihatag sa ilang oras arun masaksihan ang maong kalingawan.
Samtang nabusog usab ang mga nanungha dili lang sa lamian nga mga pagkaon, kundi usab sa katawa tungod sa gimugna nga 1st ZNPMFC Baraklaan 2025 kung asa ang unom ka magbabalaod, mipartisipar sa false gay competition nga naghatag og kalingawan sa mga nanan-aw.
Ang maong selebrasyon nagpakita sa pagtagbo sa katapusan sa tuig nga adunay panaghiusa, kalingawan, og pakig-inigsuonay samtang nagpatuman og tinarung nga serbisyo sa katawhan.
News and photo by: JENIFFER JR. DELICA