Sergio Osmeña – Nagpadayon ang kampanya batok sa ilegal nga droga ang 1st Zamboanga del Norte Provincial Mobile Force Company pinaagi sa pagpanghatag og information leaflets ngadto sa mga pasyente ug residente sa lungsod.
Ang gipanghatag nga mga materyales naglangkob og impormasyon kabahin sa Republic Act 9165 o Comprehensive Dangerous Drugs Act of 2002, nga naglatid sa mga silot ug responsibilidad batok sa paggamit, pagbaligya, ug pag-apod-apod sa ilegal nga droga.
Tumong sa inisyatiba nga mapataas ang kahibalo sa komunidad ug pahinumduman ang matag usa sa kahinungdanon sa pagsunod sa balaod aron malikayan ang mga kaso nga may kalabutan sa droga.
Pinaagi sa padayon nga information drive, gitinguha sa kapulisan nga mapalig-on ang kooperasyon sa publiko ug mapadayon ang malinawon ug luwas nga komunidad sa Sergio Osmeña.(JENIFFER JR. DELICA)
Source: Zamboanga del Norte 1st Provincial Mobile Force Company