ZAMBOANGA DEL NORTE — Gipalig-on sa 1st Zamboanga del Norte Provincial Mobile Force Company (ZNPMFC) ang ilang visibility patrols ug intelligence-driven checkpoints aron masiguro ang kaluwasan sa kadalanan ug mapugngan ang kriminalidad sa probinsya.
Sumala sa kapulisan, ang maong operasyon kabahin sa ilang padayon nga kampanya sa proactive policing diin giuna ang presensya sa pulis sa komunidad ug estratehikong pagmonitor sa mga posibleng hulga sa seguridad.
Gihimo ang mga checkpoint ubos sa prinsipyo sa propesyonalismo ug respeto sa publiko, aron mapadayon ang pagsalig ug kooperasyon sa katawhan ngadto sa kapulisan.
Padayon nga gidasig sa ZNPMFC ang komunidad nga makigtambayayong sa mga otoridad aron mapalig-on ang kalinaw, kaluwasan, ug kahusay sa probinsya.(JENIFFER JR. DELICA)
Source: Zamboanga del Norte 1st Provincial Mobile Force Company