DIPOLOG CITY — Gipahigayon sa Bureau of Fire Protection Dipolog City Fire Station ang “Flames of Unity, Bond of Family,” usa ka kalihokan nga gitumong sa pagpalig-on sa panaghiusa ug teamwork sa ilang mga personahe.
Kabahin sa aktibidad ang paghisgot sa pre-fire planning ug post-fire assessment aron mapauswag ang pamaagi sa pagresponde sa emerhensya ug mapalig-on ang koordinasyon sa operasyon.
Gipasiugda usab ang maayong komunikasyon ug pagbinayloay og kasinatian tali sa mga personnel aron mas mapalambo ang ilang serbisyo sa publiko.
Pinaagi niini, padayon nga gipalig-on sa BFP Dipolog ang ilang kahusayan ug panaghiusa isip usa ka organisasyon nga nag-alagad sa komunidad.(JENIFFER JR. DELICA)
Source: BFP R9 Dipolog City Fire Station