Nagpakita og malasakit ang 1st Zamboanga del Norte Provincial Mobile Force Company (1st ZNPMFC) pinaagi sa paghatag og tulo ka kilo nga bugas sa usa ka habal-habal driver dinhi sa siyudad.
Ang kalihukan gipangunahan ubos sa pagdumala ni Ryan Jay R. Capurcos, Force Commander sa yunit, isip kabahin sa ilang community outreach initiative.
Matud pa, ang maong simpleng aksyon nagpakita nga ang ilang responsibilidad dili lamang sa pagmintinar sa kalinaw ug kahapsay, kondili usab sa pagtabang sa mga nanginahanglan sa komunidad.
Gipasabot nga bisan gamay nga tabang sama sa paghatag og bugas dako na og epekto sa mga indibidwal nga naglisod sa adlaw-adlaw nga panginabuhi.
Samtang, padayon nga nag-awhag ang kapulisan sa publiko sa pagpakita og pagtinabangay ug pagkamabinuligon aron mapalig-on ang panaghiusa sa komunidad.(IKEN B. GULLEM)
Source: Zamboanga del Norte 1st Provincial Mobile Force Company