Gikatakdang ipahigayon dinhi sa dakbayan ang “1st Mayor Darel Dexter T. Uy National Invitational Table Tennis Tournament” gikan Mayo 19 hangtud na sa 21, ning tuiga.
Ang maong torneyo didto ipahigayon sa Dipolog City Sports Complex, sa Barangay Olingan, ning siyudad, ilawom sa pag-organisa sa Dipolog Table Tennis Club duyog sa koordinasyon sa kagamhanang lokal ning dakbayan.
Sigun sa nasayran nga kining maong torneyo ang gilangkoban sa lima ka kategoriya nga mao ang “10 years and under” (boys and girls), “14 years and under” (boys and girls), “18 years and under” (boys and girls), “Executive 45 and above” (men and women) ug “Open category” alang gihapon sa babaye ug lalaki, ug “Team Event Open”.
Samtang alang sa registration, php150 alang sa 10 years and Under ug 14 years and Under, php300 alang sa 18 years and Under ug Executive 45 years and Above, samtang Php 500 alang sa Open category ug Php 1,500 alang usab sa Team Event category.
Kining nasangpit nga torneyo ang pagasalmotan sa dul-an sa dos siyentos (200) ka mga magdudula gikan sa nagkalain-laing dapit dinhi sa nasud.
(Source: Dipolog City Government Facebook page)