Gisugdan na ang 1st Inter-High School Basketball Tournament ni Gov. Rosalina “Nanay Nene” Jalosjos, nga gipahigayon didto sa ZN Convention and Sports Center, Estaka Dipolog City, Abril 15 ning tuig.
Ang maong torneyo gisalmutan sa 12 ka mga teams nga nag gikan sa lain-laing tunghaan ning lalawigan sa Zamboanga del Norte nga gilangkuban sa Pres. Manuel A. Roxas NHS, Polanco NHS, Sicayab NHS, Galas NHS, Sergio Osmeña NHS, La Libertad NHS, Saint Vincent’s College Inc., Gutalac NHS, Matstci-Dapitan, Andres Bonifacio College, ZN National High School ug Ponot National High School.
Nanguna alang sa Ceremonial Toast mao si Board Member Sushmita Jalosjos kauban sa mga official referees ug mga players sa Basketball Association of the Philippines kon (BAP).
Ang mahimong kampyon sa maong kompetisyon matod pa makadawat kini sa premyo nga 50 mil ka pesos, 30 mil alang sa 1st runner up, 20 mil sa 2nd runner up ug 10 mil alang sa 3rd runner up.
Samtang, sa naasoy nga kompetisyon gikalipay sa 12 ka mga teams ang P5,000 isip subsidy nga pang-gastos gikan ni Gov. Nanay Nene Jalosjos. (Medalyn U. Borja)
(Source: Provincial Government of Zamboanga del Norte)
