Nakadawat ug dugang nga oportunidad sa panginabuhian ang mga mag-uuma sa Sindangan, Zamboanga del Norte human moturn-over ang Department of Agrarian Reform (DAR) Zamboanga del Norte ug 192 ka ready-to-lay nga manok.
Kini nga turnover ubos sa Climate-Resilient Farm Productivity Support Project (CRFPSP) ug gihatag alang sa Joaquin Macias Agrarian Reform Beneficiaries Multi-Purpose Cooperative, nga tumong nga mapalig-on ang panginabuhian sa mga agrarian reform beneficiaries ug mapasiugda ang klima-resilient nga pamaagi sa pagpanguma.
Gipangulohan ang kalihukan ni PARPO II Daisy Dell Suan Digamon, uban sa presensya nila Sindangan Mayor Glona G. Labadlabad, Barangay Chairman Bernardino Dinoy, ARBO Chairman Telesforo D. Sayre, ug MARPO Mila D. Banquirigo, nga nagpahayag sa ilang suporta sa proyekto.
Sumala ni Digamon, gilauman nga makatabang ang proyekto sa pagpaubos sa kakabos ug pagpalig-on sa kaugalingong panginabuhian sa kooperatiba. Gipasiugda usab sa mga lokal nga opisyal nga ang maong inisyatiba makapukaw sa lokal nga ekonomiya ug maghatag og dugang nga paglaum sa komunidad.
Pinaagi sa padayon nga suporta sa DAR, gilauman nga molambo ang poultry livelihood sa Joaquin Macias ug maghatag og dugang nga kita ug kalig-on sa mga mag-uuma sa lugar.(IKEN B. GULLEM)
Source: DAR Zambonorte