Miabot sa kinatibuk-ang 164 ka mga indibidwal na usab ang nakabenipisyo sa gipang apod-apod na usab nga ayuda ubos sa “Assistance to Individuals in Crisis Situation” (AICS) Program niadtong Nobyembre 26,2024 sa may alas 3:00 ang takna sa hapon didto sa Museo ning dakbayan sa Dipolog.
Ang maong programa gitambongan sa Mayor ning dakbayan sa Dipolog nga si City Mayor Darel Dexter T. Uy kinsa mipadayag sa iyang mensahe ngadto sa mga benepisyaryo sa nasangpit nga programa nga inabagan sa DSWD.
Kini ubos sa Department of Social Welfare and Development inabagan sa kagamhanang lokal ning siyudad, diin adunay 109 ka mga benepisyaryo ang nakadawat alang Medical Assistance, 28 ka mga benepisyaryo ang nakadawat sa Burial Assistance, ug alang sa Calamity Assistance 27 usab ang nakabenipisyo niini.
Pinaagi sa maong gipang apod-apod nga ayuda nakahatag kini ug dakong tabang ngadto sa mga kabus nga mga benepisyaryo diin nakasinati sa kalisod ug krisis sa pagpatambal,kamatayon ug laing kakulian nga nahiagoman sa panginabuhian.(Medalyn U. Borja)
Source: Dipolog City Government