Nakaangkon ug samad sa parte sa kalawasan ang usa ka 14 anyos nga menor de edad, sa nahitabong pag panghampak didto sa Tabok Tulay, Quezon Ave., Miputak, ning dakbayan sa Dipolog mga alas 10:30 sa kagabhion, Sabado, Marso 16,2024.
Giila ang biktima nga si Lester Allen Abao, 14 anyos, menor de edad, ug kasamtangang residente sa Purok Sakayanon, Miputak, ning syudad sa Dipolog.
Samtang ang suspek giila nga si Melvin Rondon Quiniquiz, 19 anyos, ulitawo, usa ka operator, ug residente sa Purok 6, Sta. Isabel, dakbayan sa Dipolog.
Matod pa nahitabo ang insedente samtang naglakaw ang biktima uban sa iyang amahan nga si Jimmy Janggayan Abao, 41 anyos minyo,usa ka mananagat, lumulupyo usab sa naasoy nga dapit, nitaho nga samtang nagpauli siya dala ang gipalit nga mga kilong bugas, miduol ang suspek ngadto sa biktima nga nagbitbit og kutsilyo ug kalit nga gihansak sa suspek ang kinumo sa biktima gamit ang hinagiban hinungdan nga nakahiagom kinig samad bahin sa kamot ug kalawasan.
Diha-diha dayon, ang duty SWAT team kauban ang biktima ug ang iyang amahan miresponde sa lugar sa insidente aron sa pagsusi sa katinuod sa nasangpit nga taho. Ug sa pag-abot didto, ang mga personahe sa PNP mi-epekto sa pag-aresto sa suspetsado.
Ang biktima gidala dayun ngadto sa Corazon Aquino Hospital alang sa medical examination ug sa kataposan nakagawas human nakaangkon og minor injuries ug andam na nga mopasaka og pormal nga reklamo batok sa suspek.
Samtang ang suspek,gipahibalo sa iyang konstitusyonal nga mga katungod parehong Miranda ug Anti-Torture Warning ug temporaryong gitanggong karon sa Dipolog CPS detention cell samtang nagpaabot sa pagpasaka sa tukmang kaso sa korte. (Medalyn U. Borja)
(Source: Dipolog CPS)