Emosyonal nga nakighimamat ang 12 ka kapitan sa lungsod sa Siayan ni Governor Rosalina “Nanay Nene” Jalosjos tungod kay sa unang higayon, nakasulod sila sa buhatan sa gobernador.
Kini ang gibati sa mga kapitan nga gipanguluhan ni ABC President Maribel Okay sa ilang pagkortesiya ni Nanay Nene sulod sa iyang buhatan.
Gipabati usab sa mga kapitan ang ilang problema ngadto sa inahan ning lalawigan.
Lakip sa ilang gisagubang karon nga problema ang ilang mga kadalanan diin daghan pa ang wala makonkreto.
Pamahayag usab ni ABC President Okay nga gawas sa dili maayong dalan, maglisud usab sila sa pagbyahe sa mga pasyente nga dad-on sa tambalanan tungod kay wala silay igong sakyanan.
Gipabati usab nila ang kalabot sa ilang agrikultura diin naglisud ang mga mag-uuma tungod sa kamahal sa binhi ug abono karong panahona.
Aduna na lama’y gamay nga maani sa ilang umahan ug dili makabawi sa puhunan.
Subay niini, wala nagmakuli si Nanay Nene sa pagtubag sa ilang gipangyangungo nga problema.
Paningkamutan sa Governor nga malihok gilayon kini ug mahimo-ag aksyon.
Dako kaayo ang kalipay sa mga kapitan sa tubag ni Nanay Nene tungod kay sa unang higayon direkta nilang nahimamat ug nahinabi ang inahan ning probinsya.
(Source: Provincial Information Center ZaNorte Facebook page)
