Mokabat sa 118 ka Bayanihan SIM Cards ang malampusong na apod-apod gikan sa buhatan sa DICT 9 BASULTA alang sa mga estudyante sa Lope J. Añana Elementary School sa Salug, Zamboanga del Norte niadtong adlawng Lunes, Enero 19,2026.
Ang maong pag apod-apod gipasiugdahan sa DICT IX BASULTA team nga gipangulohan ni Regional Director Cheryl C. Ortega ug TOD Chief Engr. Jacob F. Mohammad, uban sa suporta ug pakigtambayayong sa Department of Education,sa koordinasyon sa Lope J. Añana Elementary School nga gipangulohan ni Head Teacher II Benedicto Bernaldez, Mobile Network Operator (MNO) Smart Telecommunications, ug ang barangay sa Canawan diin ahibaloan usab unang gitanyag kini nga Bayanihan SIM rollout sa lungsod sa Zambonga Sibugay.
Tumong niini nga mapalapad ang koneksyon ug mahatagan ug gahom, mabag-o ang edukasyon, mahimong mas episyente, intere-sante, ug accessible sa tanang mga estudyante.
Nasayran nga ang maong Bayanihan SIMs adunay gitagana nga binuwan nga data allocation nga muabot sa 25 GB nga gitakda sulod sa 12 ka bulan nga magamit sa mga estudyante alang sa ilang dali nga pag-access sa ilang educational resources, materyales, ug modules, ug sa kinatibuk-an, pagpausbaw sa ilang kahibalo ug kasinatian sa teknolohiya.
Tungod niini nga inisiyatiba,mipadayag sa ilang pasalamat ang mga ginikanan sa matag estudyante ug magtutudlo sa suporta sa inisyatiba, nga naghimo niini ingon usa ka komplemento alang sa maayong tinguha nga makatabang nga muabaga sa pagkarga sa datos alang sa pamilya alang sa koneksyon nga makapagan sa inadlaw-adlaw nga palas-unon.(MEDALYN U. BORJA)
Source: DICTR9BASULTA