30.9 C
Manila
Friday, March 29, 2024

Dipolog: 100 kababayen-an sa Tambak, Minaog, nakadawat sa 5 kilos bugas ug grocery packs

- Advertisement -

Subay sa pagsa-ulog sa International Women’s Month, adunay 100 ka mga kababayen-an sa Tambak, Minaog, ang nakadawat sa tag Lima (5) ka kilos nga commercial rice ug grocery packs, sa gipahigayong  Gift Giving ug Symposium sa mga personahe sa Zamboanga del Norte Police Provincial Office (ZNPPO) sa pagpangulo ni Provincial Director PCol. Glenn M. Dulawan, katambayayong ang administrasyon ni Governor Rosalina ‘Nanay Nene’ Jalosjos ug ang Officers Lady’s Club (OLC), sa Purok Sto. Niño, Tambak, Minaog, Dipolog City.

Ang 100 ka kababayen-an sa Tambak prayoridad nga natagaan kada balay, kinsa maoy giila nga nanginahanglan og tabang.

Sa mensahe ni Konsehal Mitzie A. Dulawan isip Adviser sa OLC siya nagkanayon nga puno sa kalipay ang ilang gebate ug nagpasalamat sila’g dako sa suporta sa probinsiya sa ilang gipaghatag nga regalo sa mga kababayen-an niining International Women’s Day.

Gawas sa mga kababayen-an sa Tambak, nakaka-on usab ang mga kabataan sa gidalit nga lamiang mga pagkaon ug sa duha ka tubes nga ice cream.

Nipadayag usab sa ilang dakong pagpasalamat sila si Adoracion Bulilan ug Juanita Acevedo, kinsa mga benepisyaryo sa maong gift giving.

Samtang, dako ang pagpasalamat ni Police Senior Master Sergeant Analyn Caboverde Reluya, sa walay hunong nga suporta sa administrasyon ni Nanay Nene, alang sa kaayuhan sa iyang mga katawhan.

(Source: Provincial Information Center Zanorte Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -