Gatusan ka mga estudyante nga benepisyaryo sa Special Program for Employment of Students (SPES) ang nisalmot sa usa ka orientation ubos sa pag organisar sa buhatan sa Public Employment Service Office (PESO) sa syudad sa Dapitan,nga nakabase sa giya sa Department of Labor and Employment (DOLE), diin 15-30 anyos ang mamahimong haom nga maka avail sa maong programa nga gipahigayon niadtong Mayo 25,2024.
Ang maong programa hugot nga gi suportahan sa Mayor sa Dapitan nga si Mayor Seth Frederick P. Jalosjos.
Niining programa, ang departamento sa DOLE nag gahin ug pundo ngadto sa 40 % nga bahin alang sa mga benepisyaryo ug laing 60% nga pundo gikan sa kagamhanang lokal sa Dapitan, diin trabahuan kini sulod sa 20 ka adlaw, nga paga sugdan karong umaabot Hunyo 3,2024 nga adunay suholan nga P531.82.
Nagsilbi kini nga usa ka dakung tabang alang sa mga magtutungha, nga hilit sa pagsulbad sa galastuhan sa ilang pang eskwela nga panginahanglan. (Medalyn U. Borja)
(Source: City Government of Dapitan)