Boluntaryong mitugyan sa
ilang mga loose firearms ang napulo ka indibidwal atol sa Small Arms and Light Weapons (SALW) Management Program Turnover Ceremony nga gipahigayon sa Provincial Capitol, kaniadtong Pebrero 16, 2026.
Kini nga programa ipatuman sa Kagamhanang Probinsyal sa Zamboanga del Norte ubos sa liderato ni Darel Dexter T. Uy pinaagi sa Provincial Social Welfare and Development Office – Zamboanga del Norte.
Gitambongan ang turnover sa mga opisyales sa kapulisan ug kasundaluhan lakip ang Zamboanga del Norte Police Provincial Office ug 102nd Infantry Brigade, Philippine Army. Pormal usab nga gidawat sa mga awtoridad ang mga gitugyang armas isip kabahin sa gipakusgan nga kampanya batok sa loose firearms ug sa pagmintinar sa kalinaw sa lalawigan.
Samtang, isip suporta sa ilang reintegrasyon, nakadawat og cash assistance ang mga mitugyan aron makatabang sa ilang bag-ong pagsugod.
Sumala sa probinsyal nga pangagamhanan, ang SALW Program magpadayon isip estratehiya sa pagpakunhod sa hulga sa ilegal nga armas ug pagpalig-on sa seguridad sa komunidad sa Zamboanga del Norte.(IKEN B. GULLEM)
Source: Zamboanga del Norte Provincial News Network