Kapin ₱1.6 milyones nga pondo gikan sa Department of Science and Technology–Region IX (DOST-IX) ang gigamit sa pag-upgrade ug pagpalapad sa La Madridondo Hydroponic Farm sa Barangay Galas, Dipolog City.
Ang eksaktong kantidad nga ₱1,618,834.88 gihatag ubos sa Small Enterprise Technology Upgrading Program (SETUP) ug Innovations for Filipinos Working Distantly from the Philippines (iFWDPH) programs sa DOST. Pinaagi niini nga pondo, napalambo ang greenhouse ug misaka ang produksyon sa lettuce gikan sa 3,700 ngadto sa 9,000 ka ulo matag tanom.
Sumala sa DOST, ang pondo gitumong sa pagpalig-on sa gagmay’ng negosyo ug pagtabang sa mga kanhi ug kasamtangang OFW nga gustong magsugod og negosyo sa ilang kaugalingong lugar.
Ang La Madridondo Hydroponic Farm, nga gipanag-iya sa kanhi seafarer nga si Alfie F. Madridondo, usa sa mga nakabenepisyo sa maong pondo. Mipasalamatan niya ang DOST ug miingon nga ang suporta sa gobyerno dako’g tabang sa pagpalambo sa iyang uma.
Tungod sa pondo, ang modernong pasilidad karon makahimo og mas daghang preskong lettuce nga ginasuplay sa mga restawran ug tindahan sa Dipolog City ug mga silingan nga lungsod.(IKEN B. GULLEM)
Source: DOST Regional Office No. IX