Cagayan de Oro City – Gumikan sa mga reports nga daghang badlungon nga katawhan nga nagpatuong mga contact tracers, ang Department of the Interior and Local Government o DILG X subli nga nagpahimangno sa publiko batok niining maong mga klase sa katawhan nga gusto lang mokuha sa mga personal information sama sa bank accounts ug credit card details gikan sa target victims. Matud pa ni DILG-10 Regional Director Arnel Agabe, nagkinahanglan sila sa suporta sa local government units sa pagpahibalo sa mga constituents nga sa kanunay magmaigmat batok sa mga tawo nga mokuha lamang sa bintaha sa uban.
Gisugilon usab ni Dir. Agabe nga ang maong mga peke nga contact tracers namaligya usab sa rapid test kits, ug gani pa man mofacilitate usab sa swabbing uban sa pasalig nga mogula gilayon ang resulta diin kini dili mahitabo nga himuon sa mga genuine contact tracers.
Ang katawhan padayong gipasabot ni Dir. Agabe nga ang matuod nga contact tracers pahiluna ang pagpaila-ila uban sa opisina nga ilang girepresentahan.
Nag-una nilang tahas mao ang pag-inquire sa mga close contacts sa usa ka kumpirmadong kaso sa Covid-19 ug ang iyang nahalubilo. Kon adunay mahinagbo nga mga nagpatuong contact tracers, giawhag nga ireport kini gilayon sa otoridad.
Ang Philippine National Police (PNP) giaghat usab sap ag-investigate, pagdakop ug pagpahamtang sa silot sa niadtong naghimo sa illegal nga mga kalihokan. (Philippine Information Agency X)