DFA Sec. Locsin dumating na sa Hungary para sa 3-day visit

Dumating na sa bansang Hungary si Foreign Affairs Secretary Teodoro Locsin, Jr para sa kanyang tatlong araw na official visit.

Ayon sa DFA, nakatakdang makipagpulong si Locsin sa kaniyang counterpart na si Foreign Minister Peter Szijjarto para pag-usapan ang bilateral relations ng dalawang bansa at ilang regional at global developments.

Magkakaroon ng meeting si Locsin sa mga Hungarian policy makers, business leaders at members ng academe.

Nakatakda namang magbigay ng lecture si Locsin hinggil sa Philippine foreign policy sa institute of Foreign Affairs and Trade.

Pagkagaling naman ni Locsin sa Hungary ay magtutungo siya sa Germany para dumalo sa Munic security conference.