Nanagiparuk-at iti Department of Education iti probinsia nga Ilocos Norte iti listaan dagiti eskwela a mabalin a pakaisayangkatan iti limited face-to-face classes bayat iti baetan ti coronavirus disease 2019 pandemic.
Agarop dua pulo ket walo nga eskwela ditoy probinsia manipud iti sangapulo ket tallo a munisipalidad iti pakaisayangkatan ti nasao nga addang kas koma, tallo iti Bangui ken Pinili, dua iti Carasi, Adams, Dumalneg, maysa iti Marcos, Currimao, Pasuquin ken Burgos pakairamanan iti uppat a balay pagadalan iddiay ili ti Nueva Era.
Dagitoy nga eskwela ket maibilang a kas low risk area, mapatalinaed dagiti minimum health standards iti Department of Health ken suportaran ti tunggal local government unit.
Malagip, a suportaran ni Gov. Matthew Marcos Manotoc ti limited face-to-face classes kadagiti low risk areas para iti napinpintas a kalidad ti edukasyon babaen met laeng iti pannaipasigurado ti kinatalged ti salun-at dagiti estudyante.
Kabayatanna, dagitoy napili nga eskwela ket mainominar iti regional office para iti pannaka-endorsar iddiay central office para iti nadakamat nga addang. (Alyssa Pagdilao, RPN DZRL Batac Correspondent)
(Source: Provincial Government of Ilocos Norte)