General Santos City – Naka-andam matod pa ang Department of Education-GenSan sa pagpahigayon og pilot testing sa face-to-face classes, higayon nga tugutan kini sa City-IATF.
Sa usa ka pamahayag, giasoy ni DepEd-City Schools Division Superintedent Romelito Flores nga bulan pa lamang sa Enero, anaa na ang ilahang igong pagpangandam kalabot sa maong plano.
Gibutyag sa opisyal nga lakip sa ilahang girekomenda diin puwedeng ipahigayon ang limited face-to-face classes mao ang Aspang Elementary School ug Aspang High School sa Barangay San Jose.
Una nang gipasabot sa DepEd nga manghinanglan pa og clearance gikan sa concerned local government unit ug sa mismong mga ginikanan kung tugutan ang maong pisikal nga pagtambong sa mga estudyante sa mga tulunghaan.
(Photo courtesy of DepEd Tayo Facebook page)