Cebu City – Gipahibawo sa Department of Education o DepEd 7 nga ang mga pribadong tunghaan ug non-DepEd schools sa rehiyon nga buot magsugod sa klase nga mas sayo kay sa general school opening sa tuig tingtungha 2021-2022 makahimo kaayo basta aduna lay special permit sa ahensiya.
Suma pa sa director sa DepEd 7, Salustiano Jimenez, walay problema bisan kanus-a magsugod ang klase sa pribadong mga tunghaan basta nahasubay lang sa balaod.
Matod ni Jimenez, ilang gi-require ang mga pribadong tunghaan pagduso sa ilang BELCP o Basic Education Learning Continuity Plan uban sa proposed dates sa klase sa umaabot school year.
Midugang siya nga kinahanglang malatid sa BELCP sa pribadong eskuylahan nga distance learning ang ilang gamiton sa umaabot tuig-ting tungha.
Wala pay face-to-face diin isyuhan silag special permit sama sa nahitabo sa miaging school year.
Sa nasayran, base sa uwahing advisory ni DepEd Secretary Leonor Briones sa pribado ug non-DepEd schools, kinahanglan unang maoy iimplementar ang distance learning modalities. (Jhon Tadlip/JTY)
(News & photo courtesy of DepEd-7)