Department of Health region 7 nakatala na og 36 ka positibo sa local test  sa Covid 19

Department of Health region 7 nakatala na og 36 ka positibo sa local test sa Covid 19

by RPN News
45 views

Cebu City- Nakatala na ang Department of Health kun DOH  7 og 16 ka presumptive positive cases sa Covid19 sa rehiyon, segun sa uwahing situation report gahapon.

Nagpasabot kini nga dugang pito ka specimen nga nakuha gikan sa pasyente nga nagpositibo sa local test sa virus  gipadasa Research Institute of Tropical Medicine (RITM).

Niadtong Miyerkoles, Marso 25, siyam ka specimen ang gipada sa DOH 7 ngadto sa RITM para sa kompirmasyon.

Pito sa maong gidaghanon ang gikan sa Cebu City ug tagsa sa Mandaue ug Lapulapu.

Samtang sa 16, labing daghan ang presumptive positive sa Cebu City nga adunay 12.

Sa uwahing pito nga nadugang gahapon, lima sa Cebu City, usa sa Cebu province, ug usa sa Negros Oriental.

Gipasabot sa DOH 7 nga ‘presumptive positive’ ang termino nga ilang gigamit tungod kay nagpositibo man tuod kini sa ilang paghiling sa V. Sotto Memorial Medical Center apan kinahanglan pa mag kompirmasyon sa RITM.

Sa nasayran, ang VSMMC nagsugod  sa ilang Covid 19 test niadtong Marso 19 pero sukad niadto anaa pa sila sa gitawag og starting stages nga nagpasabot nga dili pa kasaligan ang ilang makita  sa test.

0 comment

Related Posts